Aayugi yatano ya homata ya yugu osasiyona yomahooli oshimaliwa shili poodola 246 000 noku fadhukapo kolupadhi

police

Opolisi yoshilongo  moshitopolwa Otjozondjupa  oya hwahwameke olukongo lwaafekelwa ya 5 aayugi mboka ya yaka oshimaliwa shoodola dha konda 246 000 kosasiyona yomahooli ko Otjiwarongo ohela.

Omukuluntu gwiipambele yoshigwana moshitopolwa  Senior Inspector Maureen Mbeha okwati omuyeka kwa homatiwa ogwa holoka pokati kotundi onti  06h00-06h30.

Mbeha tati omakonakono gopetameko oguulike kutya omukiintu ta longo posasiyona okwa lopotwa a ka tala iimaliwa  kombelewa  ,nokuyi fala mostola pehala lya faathana.

Pethimbo mpoka,aalumentu ya 5 ya homata ondjembo,ekatana nekuya oyayi mokastola,taya lombwele kehe umwe a lale polupanda.

Taya thiminike Menigera meni lyokastola kosasiyona a patulule o safe,ashike molwaashoka kayali ya pata,aafuthi oyayimo ,noku kuthamo oodola dha konda 246 000 noku fadhukapo kolupadhi.

Aayugi inaa tseyika,nonkee taya kongwa.

Omakonakono gopolisi otaga tsikile.