Aafekelwa yuungangala yeli ya 5 ya yahwa okusa kopolisi mo Durban usiku wa piti

Aafekelwa ya 5 oya dhipagelwa momaumbathano nopolisi mo Cato Crest mo Durban.

Opolisi mo Kwazul Natal oya koleke kutya aafekelwa okwali ya halika omolwa iipotha oyindji yomadhipago,noku yuga oongeshefa.

Omupopiliko gopolisi Robert Netshiunda okwati ongundu oya kondekelwa mo flat mo Cato Crest kopolisi uusiku wa piti,sho omaumbathano ga tameke.

Netshiunda tati aafekelwa oya tameke taa umbu aapolisi okupitila mekende,nokonima yomaumbathano,oya mono kutya aafekelwa ya 5 oya yahwa okusa.

Aafekelwa oyaadhika noondjembo mbali dhopeke niingangamithi.

Noya kwatakanithwa kiipotha ine yedhipago,iipotha 13 yoku yuga oongeshefa,nashimwe shoku yuga osheenditho mwene gwasho ,ya longwa mo Cato Manor nomo Durban central,shiikwatelela konzonkundana yo SABC.