Itashi vulika epangelo li gandje omakwatho goku ilonga kukehe omwiilongi oku pitila moshiketha sho NASFAF,molwaashoka iimaliwa itayi gwana-Mbumba

Omupresitend Nangolo Mbumba ohela okwati itashi vulika epangelo li gandje omakwatho goku ilonga kukehe omwiilongi oku pitila moshiketha sho NASFAF,molwaashoka iimaliwa itayi gwana.

Mbumba shika okweshi popi okuyamukula kethaneko ndika  pethimbo ewiliko lyongundu yo UDF lya kwatelwa komeho komupresitend gwayo Hendrik Goabeb lyemu talelepo.

Omupopiliko gongundu Mabasen Narib moonkundathana na Mbumba okwati aagundjuka oya taalela omutenge goku shunitha omikuli dhokwiilonga,oku gwedha kuupyakadhi wopashimaliwa mboka ya taalela nale.

Tati inaya hala aagundjuka taya mana omailongo nokuya moongunga,go omathimbo omadhigu nale,noyena oku shunitha omikuli dhoka uulethimbo.

Mbumba ta dhenge omuthindo kutya aailongi oyena oku shunitha iimaliwa mbyoka ya pewa opo mboka ya landulako nayo ya mone uwanawa mopolohalama ndjoka.