Khaled Meshaal ,ngoka a hupa monkambadhala yedhipago ya Israel ,ota fofodholwa oku ninga omuleli omupe gongundu yo  Hamas.

Onzonkundana yo Reuters oyati Khaled okwa tseyika lopoomvula dho 1997,sho aatumwa ya Israel yemu wendele uuzigo monkambadhala yedhipago ndyoka ya ndopa ,mepandaanda pondje yombelewa ye moshilandopangelo sha Jordan mo Amman.

Elombwelo lyedhipago lyomunambelewa gopombanda gongundu ya Palestine ,lya gandjwa ko prime minister ya Israel Benjamin Netanyahu,olya geyeke omukwaanilwa gwa Jordan kwali King Hussein, ngoka a popi kombinga yoku mangeleka aadhipagi noku kuthapo etsokumwe lyombili lya Jordan na Israel,ongele uuzigo mboka wa gandjwa.

Israel teshi zimine,noku zimina wo oku mangulula omuleli go Hamas Sheikh Ahmed Yassin,nokumu  dhipaga oomvula 7 lwanima mo Gaza.

Na Meshaal okwa talikako ta ningi omuleli a landulako go Hamas,sha landula  edhipago lya Ismail Haniyeh ,ngoka kwiitaalwa a dhipagwa ku Israel moshiponokela shomewangandjo omanga eli mo Iran.