Aatoolinkundana itaya pewa uuthemba wowina woku hogolola-ECN

Okomisi yomahogololo oyati itayi ka pa aatolinkundana yomoshilongo ompito yowina yoku hogolola, pethimbo lyomahogololo gopashigwana ,geliko mo 27 November.

Shika osha landula oolopota dhoka tadhi thaneke kutya aatoolinkundana,aakwiita,nenge aanambelewa yopolisi,naahogololi pondje yoshilongo ,naya pewe uuthemba wowina woku hogolola.

Moonkundathana no Nampa ohela,omupopiliko go ECN De Wet Siluka okwa koleke kutya kapena omalongekidho gowina taga ningilwa aatoolinkundana.

Tati aatoolinkundana mboka ya hala oku hogolola naya hogolole ashike onga aahogololi kehe,noku longa iilonga yawo pethimbo lya faathana.