Henny Seibeb a wayimine ongundu yo SWAPO pambelewa

Ngoka kwali oshilyo shongundu yo LPM nokwali oshilyo shopaalamende Henny Seibeb, okwa shuna mongundu yo SWAPO pambelewa,nokuulikilwa iilyo yongundu ko Khorixas,hoka oko a yambuka.

Seibeb okwa thigipo ongundu yo LPM,sho kwali ya thaneka oku mu kuthamo mopaalamende,

Seibeb okwati o SWAPO oyili ongundu ya ngungumana,kayishi o mickey mouse party,nenge ongundu yomuntu ashike gumwe,yo kayishi ongundu yepangelo lyuundikayamukulwa.

Tati Nongele owuna okwaahatsa kumwe,opena iikumungu niiputudhilo,noyina omilandu dha yela dhomaihumbato,uukomitiye woku zula,nongele ouna shoka inoo nyanyukilwa,oto vulu oku shanga ,eto uvika,okuyeleka nongundu yomuntu gumwe..

Ta gwedhako wo kutya ohashi kala oshaanawa oku longela momilandu dhafa mpoka,sho taya kambadhala okutunga uudemokoli,molwaashoka uudemokoli ouna oku kala wakehe gumwe.

Nokwati okuuvite kutya oshihwepo oku kala mongundu tayi pangele.

Omanga omunongopolitika Dumba Kamwanyah ati ina haluthwa kwaashoka Seibeb  tati.

Tati uuna aanapolitika taayi kongundu yilwe okuza mongundu yilwe,ohashi kala unene komalalakano gopaumwene.

Tati ngele omalalakano gawo gopaumwe oga tulwa moshiponga,nenge ngele ya nongonona kutya itaya hogololwa,nenge itaya koko paithano ,nenge ya mbandamekwa mongundu yontumba.

Mbyoka oyo iinima hayi etitha ya thigepo oongundu.

Nongele owa tala kaantu yalwe mboka ya thigapo oongundu,Kwamwayah okwati oyeshi ninga pamalalakano gawo gopaumwene, ngele tashiya papolitika.