Oshiponga shiiyenditho sha holoka ongula yonena mondjila yo BI pokati ka Otavi na Otjiwarongo sha faalele oomwenyo dhaantu yaali

Aakiintu yaali oya hulitha oowili dhongula yonena sho oobus moka yali dhiipumu mumwe mondjila ya B1 pokati ka Otavi na Otjiwarongo moshitopolwa Otjozondjupa…

Omukuluntu gwiipambele yoshigwana moshitopolwa Senior Inspector Maureen Mbeha nena okwati oshiponga osha holoka lopotundi 01h30 ongula yonena,ooKm 57 monooli ya Otjiwarongo.

Okwa hokololwa kutya obus yo Intercape okwali ya humbata aantu 59 okuza kOshakati ya thinda ko Windhoek,noyiipumu mobus yo Iveco yuuka kombinga onkwawo.

Obus yo Iveco oya sineya wo osheenditho shilwe,nomoshikumungu,tayiipumu mumwe oshipala noshipala.

Omukiintu gumwe okuza mo Intercape okwa hulithile poshiponga,omanga gumwe okuza mo Iveco kwali eehamekwa noonkondo a hulithile mondjila okuya koshipangelo sha Otjiwarongo.

Omuhingi gobus yo Intercape okweehamekwa nookondo komagulu ahege,nokwa tegelelwa a tembudhile kendiki lyuhaku wopaumwene moshitopolwa Oshana.

Omakonakono gopolisi otaga tsikile.