Capricorn foundation ayandja omaano oiyakulifo younamiti koshipangelo shepangelo sha Gobabis

Oshikefa shomayambidido opashimaliwa sho Capricorn, kuyele osha yandja omakwafelo yambidido eepomba dili 10 odo hadi longifwa oku oku yandjifa omiti kovanaudu koshipangelo shepangelo sha Gobabis.

Omaano omashina oo apewa oshipangelo okwa lopotwa ongushu yoshimaliwa shee N.dollars 264 500,  apewa oshikondo osho hashi ungaunga nomaudu ounona.

Veripura Muukua, eli omunambelewa kwatakanifi mehangano lo Capricorn Foundation pefimbo leenghundafana odo aninga no Nampa, onghela okwati  oiyakulifo ya yandjwa oili yafimana moku kayandja omayakulo ouhaku kounona,  ovo tava kakala vatambulilwa moshipangelo.

Okwati konyala ounona vefike po 2000 oveli hava lopotwa vadidilikwa omaupyakadi ngaashi omikifi dondjala omo ounona vefike po 300 vali va didilikwa okudja moshitopolwa sha Maheke pokati komwedi wa January na June mo 2024.

Okwati oshikondo shouhaku mehangano lo Capricorn,  oshili tashi tale unene keenghendabala odo tadi tale kelundululo ne xwopopeko lefiloshisho loitungifilutu noku nghonopeka yoo efiloshisho louhaku.