A hahala okamwanakadhona komvula yimwe nekaatana.

Opolosi moshitopolwa shaShana oya patulula oshipotha shedhipago konima sho omulumentu gomimvo inaadhi tseyika, a hahala okamwana sigo okusa kOndulu nOmongwa Olyomakaya.

Otaku hokololwa Omufekelwa Ali a lala na yina ya nakusa, nokwa penduka tati anuwa okuwete oonkoshi niiyamakuti yilwe, aanegumbo oyali ya kambadhala yemu ngungumaneke ashike okweya dhengagula nomankawa oshowo iiti.

Lwanima yamwe yomaanegumbo naashinda oyali ya hadhukapo naasho gumwe aka galuka oya adha a kwata nakusa emu teta nekaatana mothingo.

Nakusa okwa tongololwa oye Maria Lukas, nomufekelwa ngoka ta kuti omukwashigwana gwa Angola okwa tulwa miipandeko, nokwa tegelelwa a holoke mompangu oshiwike shika.