Aanona yaali aakadhona ya kwatwa onkonga kaashiwikile moshitopolwa Oshikoto

Opolisi yoshilongo moshitopolwa Oshikoto oya tulilemo omulumentu gomimvo 42 oshipotha,sho a kwata onkonga okamonakadhona kohondakadhona ye komimvo 15.

Omukwatakanithi gwekondololo lyiimbuluma moshitopolwa Dep Comm Titus Ekandjo nena okwati oshiningwanima osha holoka pokati ka March 2023 na August 2023 komukunda Oshanashomupanda moshikandjohogololo sha Omuthiya.

Shiikwatelela kopolisi,omukiintu nohondamati  ohaya lala noshihakanwa oshowo aamwayina pethimbo iiningwanima ya holoka.

Moshiningwanima shotango mu March 2023,oshihakanwa okwa hokololwa sha pendulwa komufekelwa tayi naye miihulo.

Moshiningwanima oshitiyali mu May 2023,oshihakanwa osha lombwele yina ,nopwa ningwa oshigongi,nomufekelwa okwa lombwelwa a yande iinima yafa mpoka.

Omulumentu ta kwata natango onkonga okakadhona mu August 2023.

Noshiningwanima osha lopotelwa opolisi koskola hoka haku skola okakadhona,ndjoka oyo ya patulula oshipotha peha lyokanona,molwaashoka yina okwa tindi oku tulilamo ohondamati ye oshipotha.

Kapena emangepo lya ningwa,nomakonakono gopolisi otaga tsikile.

Omanga natango  moshitopolwa sha faathana,opolisi ya tulilemo okamati komimvo 18 oshipotha shekwatonkonga ,sho ka kwata onkonga okakadhona komimvo 6.

Ekandjo okwati oshiningwanima osha holoka lopotundi onti 21h00 metitatu komukunda Otatashe moshikandjohogololo sha Eengodi.

Okakadhona nomufekelwa ohaa kala megumbo limwe momukunda ogo tuu ngoka.

Okwa hokololwa okanona kali taka dhana o block,ano okuholama naanona yalwe ,sho hekulu aza kombinga yayina  eka ithana mondunda yayina ,nokuya nako miihulo.

Okamwayinakadhona kokakona takeyaadha mondunda ,noku pula okanona,hoka ka hokolola shoka kwali taya ningi.

Omufekelwa okwa mangwapo,nota holoka mohofa ya Tsumeb ongula.