Namibia onkee tiindiile ombili pokati ka Israel na Plaestine ,sha landula oshiponokela shi nyanyaleka sha ningwa kaakwiita yepangelo lya Israel olyomakaya

Namibia onkee tiindiile ombili pokati ka Israel na Plaestine ,sha landula oshiponokela shi nyanyaleka sha ningwa kaakwiita yepangelo lya Israel olyomakaya,tashi odheke aakwashigwana aa Palestine yeedhililwa moskola ya Al-Tabin mo Gaza,shoka a kondema pethimbo lya faathana..

Aantu ya konda 100 oya dhipagwa,noyendji oya thigwa yeehamekwa sho odhila ya Israel yoodheke aa Palestine mboka yali taya ningi omagalikano koskola ndjoka.

Omunambelewa kuluntu guuministeli gwiipambele yopashigwana nomalongelokumwe gopashigwana Amb Penda Naanda okwati mboka aantu yaahena ondjo,aanona naakiintu mboka itaaya vulu okwiippopila.

Tati mboka aantu,nepangelo lya Namibia itali vulu oku mwenena iiponokela yi nyanyaleka yafa mpoka,noshilongo okwati otashi tsikile okwiindiila oshigwana shomuuyuni na unene o UNSC,yi kuthile aaponokeli oonkatu dha yaga kegonga.

Tati shoka ya pumbwa mo Gaza ombili,ombili pokati kaa Palestines naa Israelis.

Tati oyena etimba  kaa Palestine,oku kwashilipaleka kutya oya gamenwa,nuuthemba wawo owa simanekwa,opo ya tsikile noonkalamwenyo dhawo.

Omanga ongundu yo Hamas ya holola omalimbililo gayo mekuthombinga lyedhingoloko lya landulako lyoonkundathana dhoku egeka iilwithoo metine.

Ongundu oya hala oonkundathana dhi tameke shiikwatelela koompangela dha tetekele,peha lyoku ninga oonkundathana oompe.

Ongundu tayiti onkatu yawo yongaashingeyi oya nwethwamo koshiponokela sha Israel sholyomakaya,shoka sha dhipaga aantu ya konda 100.

Lopokati mpoka momushangwa gopamuhanga,UK,France na Germany oyati oyena oku kutha oonkambadhala dhoku shonopeka omahilathano noku konga ondjila yengungumano.