Omukuluntu tamaneki gompangu yo ICC  nena okwati ota nongonona omahilathano mo Venezuela omolwa oshizemo shomahogololo guuupresitend

Karim Khan okwati wo ombelewa  ye oya yakula oolopota dha yooloka dhomiyonena nomafekelo galwe,sha landula omahogololo guupresitend mo 28 July.

Omuleli a kala koshipundi uulethimbo Nicolas Maduro okwiigidhwa omusindani moshikako oshipe,ashike oompilameno odhati omuulikwa gwawo Edmundo Gonzalez okwa nyokomwa.

Omahololomadhialdhilo oga faalela oowmenyo dhaantu  24,omanga 2 000 ya mangwapo.

Ombelewa ya Kham momushangwa oyati otayi nongonona oolopota adhihe dhoka,nuuyelele wulwe wa gandjwa ,meni lyoonkondo dhompangu.

Ompangu yo ICC tayiti onkee tayi konakona iininingwanima yilwe ya tetekele mo venezuela.

Khan okwa patulula omakonakono mompito yiiimbuluma yopaita ya longwa kaakwiita yepangelo pethimbo lyomahololomadhialdhilo goompilameno mo 2017,pethimbo mpoka aantu ya konda 100 ya dhipagwa.

Ombelewa tayiti  oyaya moonkundathana nepangelo lya Venezuela pandje yopombanda,oku kwashilipaleka esimano lyoku shilipaleka kutya oveta oya simanekwa,noku dhenga omuthindo kutya aantu ayeeh oya gamenwa komapogolo ngoka taga vulu oku tamanekwa ko ICC.