Taya ulike omaithano ga yooloka

Opilimaskola yaOniipa moshitopolwa shaShikoto oyali ya unganeka esiku lyowina lyoku ulika omaithanolongo ga yooloka etitano.

Omukuluntu-skola mpoka Hilja Sampofu okwati osha simana opo aanona ya longwe omaithano ga yooloka,

Ta popi kutya uuna aanona ta uvithwako petameko, ohashi ya kwathele moku hogolola shoka ya hala oku ninga uuna ya mana omalongo gawo pwaahena omathiminiko.

Sampofu ta gwedhapo kutya aalongi naya kambadhala ya longe aanona, yo aavali taya gandja woo ethindilemo komagumbo yo aanona taya kondekwa ya landule ondjila ndjoka yu uka.

Tati oshinyangadhalwa shoka ohaye shi unganeke omumvo kehe, moka haya gandja ompito kaalongwa yeye ya zala omizalo dha yooloka shiikaatelela komaithano ga yooloka.

Okwa pandula aavali naatekuli mboka ya kambambadhala ngaashi taya vulu oku Kongela aanona omizalo dha yooloka.