Ya konda 110 000 ya mono uuthemba woshilongo

Uuministeli wiipambele yomegumbo owa tseyitha konyala aantu ya konda 110 000 ya mono omikanda nuuthemba woshilongo, pethimbo lyoshikonga shomaishangitho oshilongo ashihe.

Ndhika odha thamunwa komunambelewa Omukuluntu gwiipambele yoshigwana nomakwatathano Magret Kalo momukanda gwiikundaneki.

Kalo tati oshikonga shoka osha tamekele mu Februli nosha hulu pehulilo lya Juli nuumvo.

Ta popi kutya uuministeli owali wa nongele aakalimo oyendji moshilongo yaahena omikanda dhoshilongo, noya tokola yaze moombelewa nokuya koshigwana hoka kakuna oombelewa dhuudhemba womuntu.

Kalo ta gwedhapo kutya ya konda 31 000 oya mono oonzapo dhomavalo, ya konda 6000 oomboka yali ya kanitha oonzapo, 31 000 oya shangithwa uumutse woshilongo uupe omanga 12 000 ya ningululitha uutse wawo uupe.

Okwati oshishi oku pandula molwaashoka oya adha yimwe yomiilalakanenwa nawo, naakwaashigwana oya ulike eitulemo lyawo.

Tati nonande opolohalama ndjoka ya hula okwa kwashilipaleke kutya omayakulo otaga tsikile koombelewa dhawo kiitopolwa ayihe yoshilongo onkene oshigwana nashi talelepo oombelewa dhawo nokwiimonena uuthemba.