Omukuluntu skola okuza kOshakati ngoka a kwata onkonga okamonakadhona komimvo 15 okwa pitikwa a shune koskola,omanga omakonakono taga tsikile.

Omunamimvo 44 okwa lopotwa a kwata onkonga okamona iikando ya yooloka pokati ka December 2023 na January 2024,nokwa taalela iipotha yekwatonkonga nehepeko lyomomagumbo.
Nokwa pewa eifutilemo mondjedhililo sho a holoka oshikando shotango mompangu ya Oshakati.
Egalukilo lye koskola olyeetitha ongeyo moshigwana,shoka sha hala okutseya kutya omolwashike a pitikilwa okushuna koskola,omanga Petrus Nduelita,omulongiskola ko Hashiyana Primary School a lalekwa miilonga sho a monika ondjo yegeelo lye yaga kegonga-corporal punishment.
Omunambelewa kuluntu gwelongo Sanet Steenkamp sho a pulwa nena okwati omukuluntu skola okwa pitikwa a shune kiilongo sho a pewa obail.
Naashika itashi ti uuministeli itau ka kutha onkatu yasha,nuuministeli otau ka ninga omakonakono,niikumungu yopaveta otayi ka landulwa.
Nuuministeli okwati otau tala kungele otau lundululile omukulunuskola koskola yilwe ,omanga oshipotha tashi konakonwa mompangu,
Okakadhona naamwayina oya tembudhwapo poskola mpoka.
Omanga kombinga ya Ndeulita,Steenkamp ati oshipotha sha Ndeulita oshuulika uumbangi womaihumbato inaaga opala.
Oshipotha she osha konakonwa,nomulongiskola okwa monika ondjo yomaihumbato inaaga opala,shoka sheetitha a lalekwe miilonga.
Ta gwedhako wo kutya osha monika kutya Ndeulita okuna ondjokononona yoku geyela aalongwa nomageelo ga yaga kegonga,shoka shili ompinge noveta yelongo.
Aalongiskola naalongwa ko Hashiyana Primary School oya ningi omunyanyo etitano lya piti,taya pula Ndeulita a shunwe miilonga,taati okwa kuthwa miilonga shaali pauyuki.