Omukifi woMalaria watwaalela eemwenyo dovaNamibia vefike po 28 fiyo opapa.

Namibia okwa didilika omuvalu wovanhu vefike po 28 vatwaalelwa komukifi wo Malaria oku hovela petameko lomudo tuli.

Edi odaetwa poluhaela kwao eli  ominister yondjolowele moshilongo Dr. Kalumbi Shangula, pefimbo loshiindingili shoku dimbuluka efiku lo Malaria mounyuni osho sha dimbulukilwa komudingonoko wa Khorixas, moshitopolwa sha Kunene.

Shangula okwati omuvalu wovanhu vefike po 12,286 ovali vadidilikwa vaningwa oihakanwa yo malaria okudja moitopolwa ngaashi Zambezi, Oshikoto, Ohangwena, oshoyo oitopolwa yopavali ya Kavango.

Minister tapopi kutya omuvalu wa didilikwa ouli eshongo nomatilifo ataalela oshikondo shouhaku osho shili meenghendabala datulwapo doku kombapo filu omukifi wo Malaria,  ngaashi shili pamafaneko oku kafika ko 2030.

Shangula tapopi nghene omumbwe yeyambidido lopashimaliwa ili eshongo lakula mokuya moshipala ekondjifo lo Malaria,  olo lataalela ouminsity wouhaku.

Okwati  nande ongaho ouminsity owa tulapo eenghendabala domapombelo momaumbo meenele dili moupyakadi ngashi shili oshitopolwa shoshikonga aasho sha tulilwe moilonga mu March woneudo.

Edimbuluko lefiku lo malaria neudo ola unganekwa koshi yekanghameno olo taliti ‘’Naku kwashilipalekwe eameno loshiwana , meenghendabala doku kombamo filu o Malaria.’’