Edhingoloko etiyali lyomutumba gomuku nomahooli olya tameke nena moshilandopangelo,tali hulu mo 22.

Omutumba oguunganekwa ko Economic Association of Namibia,muukumwe no Namibia Investment and Development Board no Hanns Seidel Foundation,pamwe nehangano lyo Namcor,nepopilo pambelewa lyuuministeli woomina niikwankondo.

Omutumba otagu eta pamwe aadhani nkandangala ya simana moshikondo sha Namibia shomuku nomahooli ,omahangano goshigwana,noshigwana,okwiikunda okuvula,oompito niiponga yokuyapo noshikondo shomuku nomahooli moshilongo.

Omunashipundi go Economic Association of Namibia Jason Kasuto okwati  oya yakula aayenda oyendji noonkondo,notaya kambadhala oku kwatelamo kehe gumwe ngoka a ninga eindilo oku kutha ombinga momutumba.

Noya tegelela oonkundathana odhindji mesiku lyotango,oshowo ongula,moka omutumba tagu egululwa pambelewa.