Aanahambo mOndonga indhindhilikitheni koombelewa dhelelo

1. Elelo lyomuthigululwakalo gwaNdonga otali indile aanahambo ayehe yeli melelo lyOndonga, opo yiinyolithe kombelewa yelelo mOluno.

Amushanga gwelelo Frans Enkali okwa tseyitha ndhoka montumwafo ndjoka a tumu moshigwana.

Enkali ta popi kutya omainyolitho ngoka otaga tameke momasiku 28 Aguste sigo 29 gomwedhi twa taalela.

Ta gwedhapo kutya eishangitho ndyoka oli nasha nuulithilo woohambo, nelelo olya hala opo oohambo adhihe dhi kale dha ndhindhilikwa.

Otaku indilwa opo ya faalele uumutse wawo woshilongo nenge passport. Nonkene ayehe oya pumbwa yiinyolithe muule womasiku ngoka ga gandjwa.