Etoto lyiiyagaya lya Kupferberg olili pokuudha

Mayor gwa Windhoek Queen Kamati okwa tseyitha kutya etoto lyiiyagaya lya Kupferberg olili pokuudha ,onkalo ya nayipalekwa komwaalu gwaantu taya koko moshilandopangelo ,neindjipalo lyiiyekelwahi yaakalimo.

O Windhoek Express oya lopota kutya, ta popi peegululo lyoshigongiilonga shaanipambuliko ya Muni koopololeka dha yambidhidhwa ko EU ohela,Kamati okwa holola kutya etoto olina ashike ethimbo lyoomvula 3 dhoku kala niiyekelwahi ,nehala lyoomvula 2 dha thigalako dhiiyekelwahi ya nika oshiponga.

Naashika osha hala kutya Muni okuna oku konga oshimaliwa shodoola oomilion 308 oku lelepeka ethimbo lyetoto.

oshigongiilonga,sha tala koku nawapaleka okuungaunga niiyekelwahi okupitila moopolohalama tadhi yambidhidhwa ko EU,osha holola wo endiki lyo Waste Buy back centre ndyoka opo lyeegululwa mo Katutura.

Omukalelipo go EU mo Namibia Ana Beatriz Martins okwa dhenge omuthindo esimano lyuuukumwe wo EU na Namibia,wa tameke mo 2021 nopololeka yodoola oomilion 44 tayi lalakanene oku lundululila iiyekelwahi moonzo dhongushu  noku yela eliko lyoku longulula iiyekelwahi.