IUM mEenhana Ota egululwa pambelewa mu Kotomba

Oshiputudhilo sho International University of Management (IUM) osha tseyitha tashi kala sha manitha etungo lyoshitayi ShomEenhana moshitopolwa shaOhangwena nziya.

Ndhika odha thamunwa komunambelewa gwiipambele yoshigwana nomakwatathano Gerry Munyama ohela, pethimbo ayi moonkundathana niikundaneki.

Munyama ta popi kutya Ota thanekwa opo eegululo pambelewa li ningwa pehulilo lya Kotomba nuumvo, opo ihe oshiluku shaalongwa yotango otashi tameke ootundi mu Januali omumvo twa taalela.

Okwa gwedhapo kutya otaya ka tameke nookosa odhindji ngaashi ashike dhili miitayi yawo oshilongo ashihe.

Shika oshiputudhilo shawo oshiti-5 moshilongo. Munyama tati oya hala oku tetula oondjila, noku eta omayakulo popepi noshigwana, yo taya longo noku ndungika aalongwa ya vule oku mana omailongo gawo pwaahena omashongo.

Tati otaya kwashilipaleke kutya elongo itali kala ashike okundungika, kakele otaya kwashilipaleke kutya aalongwa oya gandja iizemo iiwanawa ya hwepopaleke oonkalamwenyo dhawo.