Oondjambameya mo Salambala Conservancy dha hupithwa

Eidhopemo lyUuministeli womidhingoloko,omakuti nomapashiyono oku hupitha oondjamba meya dhoka kwali dha pumbwa ekwatho mo Salambala Conservancy odheenda nawa.

Oshikukuta tashi tsikile osheetitha onzo yomeya moka oondjamba meya hadhi kaladhi pwine,noku thigapo ashike enono.

Mu May nuumvo, onkalo oya nayipala,nokwali tayi pumbwa eidhopemo lyeendelela.

uuministeli owuuvaneke tau potokonona onkalo noku kutha oonkatu nomaidhopemo ga yooloka.

Nokwali wa kutha onkambadhala oku landa opomba yomeya  noka generator kongushu yoodola 66 531.

Omupopiliko guuministeli Romeo Muyunda okwati okuza sho ya tulamo opomba ndjoka hayi pombo omeya ogendji,oondjele dhomeya odhayi pombanda ,noku gandja ekwatho lya pumbiwa koondjambameya dhi vule oku hupa,noku pupaleka omaipulo gaakwashigwana mboka kwali yena omaipulo gondjamba meya dhoka.

Tati elalakano lyawo oku kalekapo omeya ga gwana mondombe ndjoka sigo okomuloka gwa landulako,

Tati oonkambadhala dhoka otadhuulike eitulemo lyawo oku kalekapo iithitukuti ,nonkandangala ya simana  moku humitha komeho eliko nkalathano lyaantu yawo,unene iigwana mbyoka hayi kala pamwe niithitukuti.