Germany taka kwafela okuyandja oshali shomiti dotunila yo Mpox, koilyolongo ya Africa.

Epangelo la Germany ola yandja elombwelo talika kwafela mokuyandja oshali shomuti wotunila yomukifi wo Mpox wakonda pomata  100,000.

Olopota yapitifwa onghela omandaxa oyati oshali shoku yandja omaano omuti otashi lalakanene okuya moshipala etukuko lomukifi wo Mpox moilyolongo ya Africa.

Epangelo la, Germany ola ulika yoo talika yambidida pashimaliwa ehangano louhaku mounyuni (WHO) osho tashi kaningwa momikalo dayoolooka moku kandeka etandavelo loudu wo Mpox,  noku kwafela omahangano oo eli moukumwe noilyolongo ya Africa osho tashiningwa okupitila momatunilo.

Olopota oyati Germany,  pefimbo eli okuna omata otunila akonda po 117,000 omuti wo  Jynneos omuti oo waetelwepo mo 2022  nowakala metonatelo loshikondo shetanga leameno.

Ehangano lo WHO ola yandjele elombwelo opo etukuko lomukifi wo mpox,  utulwe koshivalo shopaulumomumbwe,  konima eshi watukuka tete mo Democratic Republic of the Congo (DRC) noku tandavela moilyolongo ihapu yenenedu paife.

Epangelo la Germany ola ulika lelitulamo mokutuma omiti detunilo moilyolongo yakumwa ngaashi DRC, Burundi, oshoyo moilongo ikwao youshilo wa  Africa.