Oifitukuti idulife po 700 taikadipawa kouministry womidingonoko.

Ouminsity womidingonoko omatalelepo nomifitu owati ota uka dipaya oifitukuti ili 723 mwakwatelwa eendjaba dili 83.

Olopota yapitifwa kouminsity oyati mokati koifitukuti oyo yafanekwa ikale yadipawa omwa kwatelwa eendjabameva, eengalandobe, eenduli oshoyo  eengolo tauti etokolo olili oshitopolwa shepangelo okuyandja omakwafelo eedja doshikukuta koshiwana oshoyo onghalo yoshikukuta yakuma oshilongo.

Tapopi nondjonghundana yetu onghela,  oo eli omupopiliko wominsity Romeo Muyunda okwati oifitukuti ota ikadipawa okudja moikunino yopashiwana omo mwadidilikwa omumbwe yoikulya yoinamwenyo oshoyo omeva nombelela ota ika yandjwa koshiwana osho shili momumbwe yoikulya.

Okwati onghalo yoshikukuta yakuma oshilongo oili yaxwaxwamekifa omashongo omalipumomumwe pokati kovanhu noifitukuti unene tuu eendjaba.

Oshitopolwa shoumbuwanhu wa AFRICA osha kala shadidilikwa sha taalela oupyakadi woshikukuta moule womido dadjako.

Eelopota oda ulika yoo kutya,  konyala etata lomuvalu woshiwana shova Namibia osha taalela ondjala moule weehani twa taalela.