Omanyamukulo ovafeekelwa veli 3 ovo tava feekelelwa oudu wo MPOX moshilongo natango inaeya.

Omunambelewa omukulunhu mouministy wouhaku nonghalo nawa  Ben Nangombe,  okwati natango onghee vateelela oidjemo yomanyamukulo ovafeekelwa veli 3 ovo tava feekelelwa oudu wo MPOX moshilongo.

Pefimbo tapopi nondjo nghundana yetu onghela,  oo eli omupopiliko wouministy Walters Kamaya nokwa popya ponele ya Nangobe okwati, omakonaakono oo ali aningilwa ovanhu veli 18 oidjemo 15 oyeya nota yuulike kutya kaina oudu wombuto oyo.

Kamaya teshi yelifa kutya oohandimwe ovo vaningilwa omakonaakono ovali velitwala voo vene komandiki ouhaku shalandula eshi ehangano louhaku mounyuni WHO, layandja eingidolombwelo opo oudu wo monkeypox ukale watulwa koshivalo shapaulumo mumbwe eshi tautandavele osheendelela moilyolongo konima eshi wa didilikwa watukuka mo DRC.

Okwati okufika mo 26 August 2024, oikondo youhaku moshilongo oya ningila ovanhu 18  omakonaakono oudu wo Mpox,  omo oidjemo yovanhu veli 15 yaulika kutya kavena oudu wombuto,  omanga oidjemo yovanhu 3 natango onghee ya teelelika okuuya natango.

Nangombe molopota tapula oshiwana shilivangeke oku tandavelifa omitotolombo konbinga yombuto yo mpox. Okwati ouminitry ouli watula koshivalo elineekelo loshiwana moshikondo shouhaku nokwa kumaida oshiwana shingungumaneke omadilongo asho pefimbo eli noku henuka yoo oku pwilikina keelopota dihena oushili odo tati odili tadi eta engwangwano noumbada mokati koshiwana.

Nangombe takwashilipaleke oshiwana kutya ouminsity owelilongekida,  eshi watulapo omandiki efike 25 omomandiki ouhaku 36 moshilongo ashishe oku tambula noku likalekela ovo tava kaningwa oihakanwa youdu wombuto yo Mpox.

Lwopokati oopo oo ali nele ominsiter youhaku moshilongo nokuli omunawino moshikondo shouhaku Dr Bernard Haufiku,  okwati oudu wo Mpox ohaweetelele nakuningwa oshihakanwa oitumbuka koshipa oyo teihokolola yafaafana kashona nepulu olo twakala tushi nale, haiya pamwe noshoombo, omutwe, etelele, onghungo nomunhu ota shidulika ina hala okulya nawa.

Okwati oshiwana ngee shadidilika omadidiliko ngaashi atumbulwa , onawa shiye meendelelo komandiki ouhaku opo shikakwafelwe.