Ombautu ina oilwifo yomatanga a Israel ya kelelwa okukanghama komunghulofuta wa Namibia.

Ombautu oyo tai feekelelwa komalelo a Namibia , kutya oya humbata oilwifo yomatanga opakwaita a Israeli anuninwa oita yomo Gaza,  oya lopotwa ya kelelwa okukanghama ponele yomatulilo shikepa oshilongo.

Oo eli ominsiter youyuuki moshilongo Yvonne Dausab,  talombwele oshikundaneki shopapangelo kutya ombautu oya kelelwa oku kanghama molwaasho oya talika yahumbata oilwifo yanyika oshiponga yoshilongo sha Israel.

Ombautu yo MV Kathrin, oyo ya talika yadilila ko Vietnam, ota kulopotwa yali yatulamo eindilo opo ikanghame ketuliloshikepa la Walvis Bay,  omanga ina ilidenga olweendo okupitila  mondjila yefuta la Mediterranean nokuya ko Gibraltar.

Nande ongaho omahangano elilepo oufemba wovanhu okwa yandja elombwelo ku Namibia,   kutya eenghendabala daye doku kelela ombautu ikanghame komukunghulofuta oshili shaya pomunghulo oufemba wovanhu.

Nande ongaho ina shiyelamo natango kutya ombautu okwali yahala oku kanghama lela peni, ashike osha didilikwa kutya eembautu odo hadi kala da dja eendjila dile ohadi pewa omito yokunghama peenele domakanghameno omatuliloshikepa oilyolongo.

Omudo wadjako  mu December, South Africa  oo eli oshi shiindalongo sha Namibia,  ota kulopotwa ali shatwala Israel komangu yoimbuluma younyuni molwaasho kutya okuli tadipaya oipundjamene ova Palestinians mo Gaza.

Omalwoodi pokati ka Israel nongudu yo Hamas okwa hovelele mo 7 October 2023, omo omatanga o Hamas adipaele ovanhu 1200,  omanga vefike 251 vali vaiwa navo.

Onga oshidjemo osha fininika omatanga a Israeli okatuke onghatu yokuponokela Gaza  onghalo oyo takutiwa oya twaalelifa eemwenyo dova Palesitne mo Gaza vedulife 40,430 fiyo opapa.

Photo: contributed