Onganga yahangwa nomakolotwe ovanhu efike po 24 mo Uganda

Omulumenhu teluula kutya okuli omuhakuli wopamufyuululwakalo mo Uganda,  okwa hangwa nomakolotwe ovanhu eli 24.

Opolifi yoshilongo osho oya lombwela oshikundaneki sho BBC kutya omulumenhu ngeenge okwa monika ondjo moshinima ,  okuna oku taalela odolongo yonghalamwenyo yaalushe.

Oo eli omupopiliko wopolifi moshilongo osho  Patrick Onyango  okwati omufeekelwa oo aatumbulwa nedina kutya oye, Ddamulira Godfrey,  okwa taalela epangulo loveta oyo taikelele noyadilika oku ningila ovanhu omadipao.

Opolifi oyati pefimbo lomakonaakono oo aningilwa onele yonganga, omwa hangwa yoo oitopolwa yayooloka yoinamwenyo  oshoyo oipa yoinamwenyo.

OPolice oyati natango onghee ili molukongo okutala opo tapuhangwa onele yoshiyambelo sha  Mr Godfrey,  noyaulika  elineekelo kutya ota shidulika ikelitwe vali momakolotwe ovanhu awedwapo.

Mr Godfrey ote litongomona kutya yee okuli onganga yopamufyuululwakalo nokuli yoo omunongo moihemba, ashike nande ongaho ehangano linasha novahakuli vopamifyuululwakalo moshilongo osho otaliti loo kalimushi.

Eelopota odati kashifi oshikando shotete oshiningwanima sha faafana tashi monikamo mo Uganda,  shalandula konima yomwedi opolifi yelitwile vali momakolotwe ovanhu eli 17 , oo adja ponele yoshiyambelo tashi hangwa moshitopolwa sha Mpigi, lunga ee 41km okudja mo Kampala.

Oiningwanima aishe yopavali oya talika ina ekwatafano noumulile tauningilwa ovanhu.

Eelopota odati ovanhu vamwe moilyolongo ya  Africa,  ovaitavela moumulile kutya oitopolwa imwepo yovanhu ohayi vaetele omalao,  ngaashi okuninga oipuna oshoyo oku fingaela ovatondi vavo.

Credit:BBC/Noeline Nabukenya