Oshiwana mo Israeli shaninga ehololo madilaadilo tashipula oita ixule

Ovakwashiwana va Israeli omayovi  nomafele ovaninga omainda meendjila doshilando pangelo oshondaxa konguloshi shalandula eshi eenghwatwa  dili 6 dahangwa daxulifa mo Gaza.

Ehololo madilaadilo ola landula oshiwana sha handuka noshanyika oluhodi,  tashipula opo oo eli omuprima woshilongo Benjamin Netanyahu,  akale atambulako omafaneko oku xulifap oita nongudu yo Hamas , opo ovo veli meemango vakale vamangululwa nokweetwa keumbo.

Ehololo madilaadilo ola talika lili limwe lomomahololo madilaadilo akul,  okudja nghene oita yahovelele konima yeehani dili 11 paife, onghalo oyo ya talika yaetififa okalamauka moshilongo.

Ehangano lakula linasha novanailonga lo  Histadrut, ola pula kukale kwaningwa ehololo madilaadilo shili oshikando shotete okudja nghene oita yahovelele mo 07 October 2023.

Ehangano olatalika yoo lina omafaneko oku pata noku eta omapiyaaneko moikondo yopaliko  mwakwatelwa embaanga, oikondo youhaku oshoyo ehangano lomatukodila.

Nande ongaho  eenghendabala domafaneko oku yeeka oilwifo  da kala noku tulwa moilonga oule weehani noinadipondolasha , vahapu oveli tava yandje oushima ku Netanyahu.

Ovanhu omayovi vamwe vali tava kwena ovali vangudumana podje mbelewa ya prima minister Netanyahu mo Jerusalem, omanga vamwe moshilando Tel Aviv, vaheda omapulakata oo ahongwa moihongwafano yoikefa.

photo: Contributed