Omulotoki wa Uganda, axwikilwa meumbo kohondamati yaye konima ashike eshi opo aaluka komaudano.

Omulotoki woshinano shile eli omukwashiwana wa Uganda, okwa tomekelwa omundilo monele omo alimo ko hondamati yaye konima ashike eshi opo ahangwa aalukila moshilongo okudja komaudano oo ali metifa ko Paris neudo.

Eelopota odati Rebecca Cheptegei, olutu laye olafiwa lamonifwa oixuna okudja moshiponga shomundilo fiyo opee 75%.

Rebecca oo eli omulotoki woshinano shile nopefimbo lefiyafano loudano woneudo kwali eya ponomola oni 44 moudano wo Paris 2024, okwa xwikilwa meumbo lavo olo tali hangwa mouninginino woshitopolwa sha Trans Nzoia.

Oo eli commander wopolifi elilepo oshitopolwa omo mwaningilwa oshiningwanima Jeremiah ole Kosiom,   okwati ohondamati ya Rebecca oyo yatumbumbulwa nedina Dickson Ndiema, pefimbo loshiningwanima oyeya nokandini komahooli opetrol, tayaatile meumbo nokutomeka eumbo omundilo oshiningwanima aasho shaningwa oshondaxa, pefimbo ovaholafani veheuditafane.

Olopota oyati ohondamati ya Rebecca,   nayo oya fiwa yoo yaehamekwa noveli tavamono ekwafo louhaku aveshe moshipangelo pefimbo eeli.

Photo: contributed