Omunapolitika waUganda Bobi Wine, ayashwa no kweehamekwa komunambelewa wopolifi

Omuwiliki wongudu yakula yomilameno mo Uganda Bobi Wine, okwa yashwa no kweehamekwa mokaulu komunambelewa wopolifi.

Oshikundaneki  sho BBC,  osha lopota kutya Wine okwa yashwa komunambelewa wopolifi oo ahangwa eli momudjalo woilonga.

Oshiponga ota kulopotwa shaholoka pefimbo Bobi Wine,  ahangwa talondo  mosheendifo okuya molweendo oku katalelapo ovakalelipo vaye vopaveta koshilando Bulindo, tashi hangwa ee kilometa 20 monooli yoshilando pangelo.

Olopota oyati omakonaakono okwa hovela okutala kutya oshike osho sha xwaxwamekifa omupolifi ayashe omuwiliki wongudu yopolitika.

Pefimbo eli okuli atambulilwa moshipangelo okumona ekwafo louhaku.

Bobi Wine,  okwa hoololelwe oshikando shotete okuya meumbo lomutumba wopashiwana mo 2017, nokwali akufa ombinga moku kondjifa omupresident   Yoweri Museveni mo 2021,  osho shali sha talika eshongo  lakula ku Museveni oo akala koshipundi oule womido difike po 40 paife.

Credit:BBC/Najja Ssenyonjo