Okamati komimvo 14 ka dhipaga aantu yeli 4 koskola mo Georgia sha America

Okamati komimvo 14 oka dhipaga aalongwa ooyakwawo yeli yaali,naalongiskola yaali,noku ehameka 9 nondjembo koskola yopombanda mo Georgia sha America ohela.

Omufekelwa shiikwatelela konzonkundana yo Reuters,ngoka a pulwa komalelo gooveta omumvo gwa piti omolwa omambandameko gopamalungula kombinga yokuumba koskola,okwa falwa mondjedhililo konima yoshiningwanima ko Apalachee High School mo Winder.

Nokwa tongololwa kutya oye Colt Gray 14,nota tulilwamo oshipotha onga omukuluntu.

Shika oshiponokela shotango shuunganekwa koskola nuumvo mo America.

America okwa dhidhilika iiningwanima yokuumba kooskola nokoo college moomvula 20 dha piti,noshiponokela oshidhipagi mo 2007 kwali sha faalele oomwenyo dhaantu ya konda 30 ko Virgina Tech.