Omutondoki gwa Uganda Rebecca Cheptegei ngoka a fikwa kohonda ye a hulitha

Omutondoki gwa Uganda Rebecca Cheptegei okwa hulithile moshipangelo sha Kenya moka ali ta pangwa sho oo % 80 dholutu lwe lwa pi ,sho a ponokelwa kohonda ye.

Nokwali ena omimvo 33.

Onzonkundana yo Reuters oya lopota kutya omupopiliko goshipangelo sha Moi Teaching and Referral Hospital mo Eldoret Owen Menach okwa koleke eso lya Cheptegei nena.

Tati omutondoki goshinano oshile okwa hulitha oowili dhongula yonena.

Chetpgei okwali a kutha ombinga muudhano woku tondokola kuudhano wo Paris Olympic ,nokwali eya ponomola onti 44th.

Omukuluntu gopolisi mo Trans Nzonia Jeremia ole Kosiom omandaaha okwati ohonda ya Cheptegei Dickson Ndiema okwemu tile omahooli nokumu tomeka omulilo, sha landula okwaaha tsa kumwe mosondaha.

Ndiema naye okwa pya,nota pangwa mshipangelo sha faathana, eli mo ICU,ashike ota nawapala.

Yaali okwali yena ehilathano linasha nevi.

Mo 2023 omutondoki omu Uganda muudhano wo Olympic Benjamin Kiplagat okwaadhika a hulitha ena iilalo yoku tsuwa.

Mo 2022,omvalele ya Kenya omutondoki Damaris Muthee okwaadhika a hulitha,nomakonakono oguulike kutya okwa pondwa.

Mo 2021,omutondoki goshinano oshile Agnes Tirop okwa tsuwa sigo eso megumbo lye.

Omusamane gwe Ibrahim Rotich okwa mangwapo,noshipotha onkee tashi tsikile.