Ongundu yo Namibia Economic Freedom Fighters oya sindana oshipotha shayo nokomisi yomahogololo.

 

Omutamaneki gompangu yopombanda Thomas Masuku nena okweekelehi etokolo lyokomisi yomahogololo oku kuthamo ongundu yo Namibia Economic Freedom Fighters mu June.

Shika osha hala kutya ongundu onkee tayi ka kutha ombinga momahogololo geliko mu November.

Okomisi okwali wo ya kuthamo ongundu yo Christian Democratic Voice momusholondondo goongundu,shoka sheetitha omuleli gongundu Gotthard Kandume a kuthwemo mopaalamende.

Ongundu yo CDV inayi pataneka ekuthemo lyawo momusholondondo goongundu dhopapolitika ,mompangu.

Ta popi pondje yohofa,omupopiliko gongundu yo NEEF Teresia Hamurenge okwati  otaya tsikile niikonga hwahwameko yawo.

Lopokati mpoka Okomisi yomahogololo oyati otayi ka  nongonona etokolo lya gandjwa muuwanawa wongundu

Tayiti  oyiipyakidhila oku nongonona omatompelo getokolo,noku tseyitha mpoka ya thikama methimbo lili komeho.