Iipotha yomakwatonkonga ya konda 1400 yeekelwahi kopolisi mo South Africa omolwa uumbangi inaawu gwana

Iipotha yomakwatonkonga ya konda 1 400 oya ekelwahi kopolisi mo South Africa omolwa uumbangi inaau gwana,pokati ka April 2023 na March 2024.

Iipotha oya kwatakanithwa kiiningwanima moka opolisi ya mangapo aafekelwa,ashike oyeethiwa lwanima.

O Eyewitness news oya lopota kutya shika osha hololwa ohela mopaalamende sho ominista yopolisi Senzo Mchunu a yamukula omapulo go RISE Mzansi.

Omaindilo geli 1 416 guuyuki onkee inaaga yamukulwa.

Shiikwatelela komiyalu dhongaashingeyi dhokomumvo dhopolisi,iipotha yomakwatonkonga yili 120 ohayi lopotelwa opolisi kehe esiku.

Niihakanwa oyindji aakiintu.

Omahangano guuyuki ogiindiile omahangano gooveta ga longe hwepo oku konga uumbangi.

Mchunu ta holola wo kutya iipotha 9 yomadhipago no 18 yoku kwatako iiyenditho kooyene oya kuthwamo omolwa uumbangi inaau gwana pethimbo lyomumvo shimaliwa go 2023-2024.