Ya tula miilonga Omukanda gomauvaneko

Omupelesidente gongundu yo Independent Patriots for Change (IPC) Omundohotola Panduleni Itula okwati ongundu oyina omathaneko ogendji oku kwatha aaNamibia mboka yeli monkalo tayi nyengathana.

 

Itula okwa popi ndhoka Pethimbo ta popitha iilyo yongundu noku tula miilonga omukanda gomathaneko mehulilo shiwike.

 

Ta popi kutya okwa enda noku talelapo omahala ogendji moshilongo, nokwa mona nkene aantu taya hupu nuudhigu omolwa onkalo yondjala noluhepo.

 

Okwa gwedhapo kutya aagundjuka oyendji moshilongo kaayena iilonga nonande yena oonzapo okuza kiiputudhilo lyopombanda, notaya kwashilipaleka kutya oopelesenda 80 odha pewa iilonga.

 

Itula tati otaya kwashilipaleke kutya aagundjuka oya tsuwa omukumo ya kale taya kutha ombinga miipambele yopolotika.

 

Ta tsikileko nokuya otaya kala noku kwatha aagundjuka ya totepo oongeshefa dhawo, yo ya vule ya yambulepo oonkalamwenyo dhawo.