Omuwiliki wongudu yo Hezbollah mo Lebanon, adipawa komatanga a Israeli

Omatanga eameno lopakwaita a Israeli,  nena okwati okwa dipaya omukwateli komesho womatanga ahomata ongudu yo Hezebollah mo Lebanon oo atumbulwa nedina  Hassan Nasrallah.

Oshikundaneki sho Africanews nena osha lopota kutya, Hassan Nasrallah okwa dipaelelwa moshiponokela shomatanga omewangadjo oo aholoka moshitopolwa sha   Beirut  onghela.

Omatanga okwati oshiponokela osha holoka pefimbo ewiliko letanga lo Hezbollah lali lakashakena peembonge davo mo  Dahiyeh, oshilando tashi hangwa moumbuwanhu wa Beirut.

Omatanga a Israeli taa popi kutya Ali Karki, eli  Commander wetanga lo Hezbollah’ kombinga youmbuwanhu woshilongo oshoyo ee commanders dikwapo dawedwapo nado oda dipaelelwa moshiponokela.

Ouminsity wouhaku wa Lebanon owati ovanhu eli 6 ovadipwa omanga 91 vafiwa va ehamekwa oku pitila moshiponokela shonghela osho sha kuma etungo lomadimo elilonda eli 6.

Nasrallah okwa lopotwa akala noku kwatela komesho etanga lo Hezbollah oule womido didulife po 30.

Nande ongaho fiyo opapa etanga lo Hezbollah ina lityakosha kombinga yedipao lomuwiliki walo.

Credit:Africanews