Aantu 18 ya dhipagwa mo Lusikisiki mo Eastern cape ya yahwa kaafekelwa inaa tseyika

Opolisi ya South Africa oyati oyili pokuninga omamangepo moshiningwanima shokuumba mo Lusikisiki.

Oowili dhongula yolyomakaya,aantu 17 oya yahwa okusa miiningwanima iyali ya yooloka momagumbo momukunda Ngobzana mo Eastern Cape.

O SABC oya lopota kutya iihakanwa okwiitaala aapambele naashiinda mboka kwali taya longekidha iituthi yopamuthigululwakalo kwali yiliko esiku ndyoka.

Ondjele yomaso ngaashingeyi oyili po 18,,sho oshihakanwa shimwe sha hulithile moshipangelo ohela.

Omupopiliko gopolisi Athlenda Mathe okwati opolisi oya gongela uumbangi auhe okuza kehala lyoshiponga,notaa tula kumwe uuyelele auhe mboka tau ka eitha emangepo lyaafekelwa.

Ongula otaa tameke oku talelapo aanegumbo ya gumwa,noku kwatelamo oshigwana,noospan dhopolisi dhoka dha kala dhili pevi okuza molyomakaya okumona olopota ndjoka ya gongelapo.