Emangepo 11th lyiingangamithi kokapale ka OR Tambo mo South Africa meni lyoomwedhi mbali

Oshikonga shopamuhanga pokati kopolisi ya South Africa  no South  African Revenue Services Customs kokapale koodhila ka OR Tambo osheetitha emangepo lyomukiintu omu South Africa gomimvo 21 omolwa endjondo lyiingangamithi.

Ndika emangepo eti 11th linasha niingangamithi kokapale hoka meni lyoomwedhi 2.

Omukiintu okwa mangwapo sho a thiki okuziilila ko Sao Paulo sha Brazil ongula yohela.

Ta falwa koshipangelo,nomafano oga koleke kutya okuna iingangamithi mepunda.

Oshiwike sha piti mosondaaha,omukiintu gomimvo 30 omu Namibia okwa mangwapo sho a thiki kokapale hoka okuziilila ko Sao Paulo.

Ta falwa koshipangelo,nokwa monika ena oopela dha konda 60 dhiingangamithi mepunda.

Nokwa holoka mohofa.

Omanga mo 13 Setpember ,omu Nigeria a mangwapo sho aadhika niingangamithi yo cocaine ya holekwa momambako godhila,naye a ziilile ko Sao Paulo.