Dr. Helena Ndume atanga oilonganghono ya nakufya Dikembe Mutombo

Omushiivinawa moshikondo shounamiti momayakulo omesho  Dr Helena Ndume,  okwati efyo lenyakwa kwali moudano wo Basketball, Dikembe Mutombo olili ekanifo lakula eshi ali shikwetepo moku yambidida oshiwana shapumbwa omakwafelo moilyolongo yenenedu.

Mutombo oo takutiwa okwali omukwashiwana woshilongo DRC, ota kulopotwa axulifa mepipi lomido 58 omolwo oudu wo kakela yokouluvi.

Mutombo okwa kala ashiivika nawa onga enyakwa moudano wo basketball nokwa kala yoo ashiivikila oilonga yaye youlaadi moku yandja omakwafelo koshiwana,  omo mwa kwatelwa eshi tadimbulukilwa okutunga oshipangelo shouhaku mo DRC opo onghalo nawa youhaku yoshiwana moshilongo osho imone elunduluko.

Omushiivinawa mouhaku womesho mo Namibia Dr. Helena Ndume pefimbo leenghundafana odo aninga nodjonghundana yetu onghela okwati ,  Mutombo okwa dana onghandangala yakula moku tungila oshiwana oshipangelo osho tati okwe shininga okudja moimaliwa yaye mwene oyo alikola moudano waye wo basketball.

Okwati Mutombo,  ota kala alushe noku dimbulukiwa nekanepo laye ota lika djuulukiwa,  tati oshiwana osha kanifa omuluemenhu oo ali ena shili omutima woku yandja ekwafo koshiwana.