Aantu ya thika 60 ya hulithile moshiponga shombautu mo Nigeria

Aantu ya thika 60 oya hulitha sho ombautu ya humbata unene aakiintu naanona taya galuka koshiindingili shopambepo mo Niger state sha Nigeria ya ningine oshiwike shika.

Aantu ya thika 160 oya hupithwa,sho ombautu yiipilangi ya humbata aantu ya thika 300 ya ningine uusiku wetiyali mo Niger River.

Onzonkundana yo AFP oya lopota kutya iilonga yehupitho onkee tayi tsikile.

Inashi yela kutya oshike sheetitha ombautu yiningine .

Okuudhakana noombautu ihaadhi silwa oshimpwiyu oyo unene hayi etitha iiponga momeya ga Nigeria.