President Joe Biden oteya oku talelapo mo Angola.

Omupresident wa US Joe Biden, moshivike twa taalela okwa teelelika akakale atalelapo oshi shiindalongo Angola.

Omukwateli komesho woshilongo sha US ota kakala mo Angola okudja mo 13-15 October 2024, osho shatalika tashi ka kala olweendo laye lotete okuuya moilyolongo ya Africa,  okudja nghene aanifililwe oku kala omukwateli komesho woshilongo osho.

Olweendo laye oleya konima yokudja molweendo ko   Berlin, oko Biden atalika aliko talalakanene oku nghonopeka ekwatafano noshilongo Gemany nokwa longifa yoo omito oku pandula Germay eshi ayambidida Ukraine moita yavo na Russia.

Eelopota doikundaneki odati mo Angola, Biden ota kashakena nao eli omupresident woshilongo osho   João Lourenço,  oku likunda noku nghonopeka ekwatafano lopaliko oshoyo okweeta elunduluko moshikondo sheameno pokati koilyolongo yopavali.

Eelopota oda popya yoo kutya, ovaleli voilyolongo yopavali pefimbo leenghundafana,  okwa teelelika yoo vaka popye kombinga yehovelo loproyeka yondjila yeshina lokolutenda oyo taika kwatakanifa ondjila yefuta Atlantic na  Indian.

Shelikwatelela kolopota yapitifwa keumbo lopapangelo la US,  oo eli hamushanga wo White House Karine Jean-Pierre, okwati etalelepo lomupresident  Biden, ole likwatelela komawatafano elongelo kumwe akalapo nale  pokati ka US-Angola noku yambidida yoo elitulemo  la America  okweetapo oukame noilyolongo ya Africa.

Omu president Biden, otaku lopotwa akala ahala nale oku talelapo enenedu la Africa,  okudja omudo wadjako ashike omafaneko aye okwa kaiwa moshipala omolwo etukuko loita pokati ka Israel-Hamas mo 2023.

Etalelepo laye ola talika tali lalakanene okunwefamo oilyolongo ya Africa momulandu woudemocry no kuya moshipala China oo atalika taendelele oku nwefamo enenedu la Africa.

Photo: Contributed