Ovafeekelwa va 3 moulunga woimaliwa mo farama yo Phala phala vaholoka momangu

Ovafeekelwa veli 3 tava tamanekelwa oku vaka oshimaliwa keemuma shee million okudja mofalama yomupresident Cyril Ramaphosa mo  2020 onghela ovaholoka komesho yomangu mo   South Africa.

Oshiningwanima osha talika shali hanga shatula omupresident Ramaphosa moupyakadi woku kanifa oshinakuwanifwa shaye onga omutwe woshilongo osho.

Oshikundaneki sho africanews osha lopota kutya ,  Imanuwela David, Ndilinasho Joseph, na Froliana Joseph ova taalela omatamaneko eteyo leumbo noumbudi.

Aveshe 3 ovaholoka komesho yomangu ya Limpopo noshibofa shavo osha undulilwa komesho ko 26 November 2024.

Eindilo lokulifutilamo lovatamanekwa vo vana va Joeseph,  ovo veli ovamwainafana  ovo vamangelwepo mu November 2022, ola li laundulilwa komesho omanga  David yee eli metonatelo lopolifi.

Oshiningwanima osha holokele poluhaela mu June 2022,  pefimbo oo ali nale omunambelewa omukulunhu moshikondo shomonanguwi  chief Arthur Fraser,  ali tayandje oushima komupresident Ramaphosa,  kutya ota holeke oshiningwanima shoulunga woimaliwa yopondje osho shaningilwa mofalama yaye yo   Phala Phala  oshoyo elongifo nai loimaliwa nedengelo lodi pomesho.

Ramaphosa, oo atalika onga omunangeshefa eshipondola omanga ali ina ningwa omu president,  nande ongaho okwelikanyuna omatamaneko aeshe oo tapopilwa.

Mu June 2023, o commisi yokulwifa oulingilingi ya South Africa oyatile kutya omupreisdent kena eenyala dakaka,  nonande meumbo laye mwahangelwe odumba yoimaliwa.

Ramaphosa okwa talika adja koshakapalwa moku xupa omashongo oo ali ataalela pefimbo lo congreess yongudu yo  African National Congress (ANC)  pexulilo lo 2022, osho shekemupefifa omito opo alikole oshinakuwanifwa shoku kwatela komesho oshilongo okudja momahoololo aliko neudo moshilongo osho.