Israel ota tokola oonkatu dhe,shiikwatelela kiinima mbyoka yili muuwanawa we-Netanyahu

Israel otaka pulakena ku America,ashike otaka tokola oonkatu dhe shiikwatelela kiinima mbyoka yili muuwanawa we mwene,shiikwatelela kombelewa ya prime minister Benjamin Netanyahu nena.

Omushangwa ogwa tulwa koshinyanyangidhwa sho Washington Post,shoka shati Netanyahu okwa lombwele epangelo lyomupresitend Joe Biden kutya Israel ota  tsikile oku dhenga etanga lyopakwiita lya Iran,ihe kashishi omandiki giilwitho yiikwalute,omahooli nenge iishonekwa.

Onzonkundana yo Reuters oya lopota kutya omushangwa ogweya pethimbo lyiitegelelwa kutya Israel otaka ninga oshiponokela shoshikonene sha Iran ku Israel mo 01 october.

Oshiponokela osha landulwa kiikolokosha pokati ka Israel nongundu ya Iran yo Hezbollah.

Aanambelewa yeli ontega noshinima o,Washington Post oyati Netanyahu okwa lombwele epangelo lya Biden kutya okuna ohokwe oku dhenga etanga lyopakwiita,peha lyomandiki gomahooli nenge gwiilwitho yiikwalute mo Iran.

Iilongo yo Gulf oya kala noku pula America a keelele Israel kaaha dhenge omandiki gomahooli ga Iran molwaashoka oyina omaipulo kutya omandiki gawo gomahooli otaga vulu oku ponokelwa ku Iran, ngele iikolokosha oya taandele.