Ongundu tayi pangele mo Mozambique yo Frelimo oyili komeho momahogololo guupresitend miikandjo ayihe.

 

Iizemo yopetameko oyuulike kutya iizemo ya pitithwa ohela,oyulike kutya miikandjo ayihe 11,Daneil Chapo,a kalelepo ongundu  tayi pangele okuli komeho,notashi vulika oye omupresitend a landulako.

O Africa news oya lopota kutya aataleli yomahogololo oyati oyena omalimbililo guuinekelwa womahogololo,taati inaga gwanithapo oondondo dhopashigwana.

Noya holola iinima ngaashi oku yalula omawi momukalo inaagu longekidhwa,iipatake yoombaapila dhomahogololo inaayi patwa nawa,okulanda omawi,oshowo omambandameko miitopolwa yimwe.

Oongundu dhoompilameno odhati omahogololo okwali gena okwaahalonga nuuyuki,nadhimwe tadhiindiile ekanka moshilongo ashihe momandaaha.

Omanga dhimwe dhati otadhi ka pataneka iizemo mompangu.

Ongundu yo Frelimo oya lela Mozambique okuza kemanguluko lyawo ku Portugal mo 1975,noya kala noku pewa ombedhi oku kengelela omahogololo.

Iizemo yahugunina oya tegelelwa mo 24 October.