A kwatwa onkonga komusita

Opolosi moshitopolwa sha Ohangwena oya tamekitha omakonakono goshipotha shekwatonkonga, konima sho kwa lopotwa okanona kokakadhona komimvo 15 ka kwatwa onkonga komusita gongerki ya Apostolic komukunda Omangela mu Maalitsa nuumvo.

Uuyelele wo petameko wa gandjwa ku Deputy Commissiona Melanie Mburuu, owati nonande sha ningwa mu Maalitsa opo ashike sha lopotwa kopolosi oshiwike shika.

Mburuu tati opolosi pethimbo oya ipyakidhila nomakonakono, yo ya uve shoka sha eta opo ashike oshipotha shi lopotwe pwa pita ethimbo.

Ta gwedhapo kutya omufekelwa ngoka kwiitalwa kutya Omusita ina tulwa miipandeko natango, nomakonanono gopolosi moshiningwanima otaga tsikile.