Epangelo oyeetapo osheetwapo shoshikukuta moshilongo ashihe kongushu yodoola oobilion 1.6,tashi lalakanene oku yambidhidha aanamagumbo ya gumwa koshikukuta.

Ashike o The Brief oya lopota kutya onkee pena omwaka yoshimaliwa shoodola oomilion 482.

Pethimbo ta popi momutumba guli metifa go Africa Regional Platform For disaster Risk Reduction,prime minister  Saara Kuugongelwa Amadhila ,okwa dhenge omuthindo ompumbwe ndjika yopashimaliwa.

Tati oshikukuta osha guma noonkondo iikondo yuunamapya nuunimuna,noku etitha okwaahena egameno koondya nompumbwe yomeya,

Opolohalama otayi ka gandja omakwatho goondya kaanamagumbo mboka ya gumwa,oku yambidhidha aanafalama yiimuna,noku kwashilipaleka kutya iigwana ya gumwa oyina omeya.