Ongudu yomangeli mo Botswana, (BDP) oili pokati koshilaleko nomukonda shokudjako koshipundi

Ongudu yo mangeli mo Botswana, Botswana Democratic Party (BDP) oyo ili meweliko loPresident Mokgweetsi Masisi,  okuniwe elikwato pomutima ikale yakanifa eenghono doku kwatela komesho oshilongo okushitalela moidjemo yopetameko oyo yapitifwamo fiyo opapa.

Ongudu yomangeli  (BDP), oya kala koshipundi oule womido 58 dadjako nopefimbo eli oya talika yataalela omashongo manene ekondjifo longudu yo Umbrella for Democratic Change ( UDC) osho ina shimonika nale mondjokonona yomahoololo oshilongo.

Oo eli candidate yongudu yo UDC, Duma Boko, onghela pefimbo ovanambelewa veli metifa lomavalulo oidjemo okwa pula ovayambididi vaye vakale momepo yengungumano.

Fiyo okufika ongula yonena, oidjemo yakolekwa oya lika kutya ongudu yo   UDC  oli  komesho nefindano loipundi yeumbo lomutumba wopashiwana ifike po 24  yomoipundi  61 osho shatalika etekepo lakula longudu yo mangeli (BDP) oyo yakala ikwetele komesho epangelo oule womido 58 dapita.

Olopota oya ulika kutya ngeenge ongudu yo UDC oya likola oipundi 31 okudja momavalulo oo afyaalako,  nena oyo taikakala ongudu omangeli noku kala neenghono dokuu lika hahendedjai oshoyo omupresident woshilongo.

Boko, oo takutiwa okuli omunaveta paifano okwa kufa ombinga momahoololo oshikando oshi 3 paife,  konima eshi akanifele efiyafano no mupresident kwali Ian Khama  oshoyo Masisi momahoololo adileko.

Credit:mmgi.bw