Mbumba a halele ompolo omuhogololwa presitend gwa Bostwana

Omupresitend Nangolo Mbumba okwa halele ompolo Adv Duma Gideon Boko nongundu yo Umbrella for Democratic Change sha landula esindano lyawo momahogololo gopashigwana ga ningwa mo 30 October.

Okomisi yomahogololo ya Bostwana metitano oya tseyitha kutya ongundu yo UDC oyaadha oshipumbiwa shiipundi 31,mbyoka ya gwana okutholomapo epangelo.

Metumwalaka lye Mbumba tati ota tumbaleke wo omupresitend Mokgweetsi Masisi sho a zimine ehogololo lyaa Bostwana,nokwiilongekidha okugandja oonkondo dhoku lela pamukalo gopalandulathano.

Ta gwedhako kutya uukumwe pokati ka Namibia na Bostwana owaza kekondjelomanguluko,moka aa Namibia oyendji kwali yaka konga uuholameno ko Bostwana.

Nonena,uukumwe mboka owa tungilwa kiipindi yina oonkondo,nekwatathano lyopantu nopantu.

Mbumba ta gwedhako kutya okwa tegelela oku longela kumwe na Boko oku tsikila nuukumwe noku nkondopeka elongelokumwe lyawo muuwanawa waantu yiilongo yopaali.