Oolopota kutya North Korea ota tumu aakwiita ko Russia otadhi piyaganeke-EU,South Korea

South Korea no EU oya kondema oolopota kutya North Korea okwa tuma akwiita ko Russia yaka kondjithe aakwiita ya Ukraine.

Okutumina kwa North  Korea aakwiita ku Russia okwa tula moshiponga iita yoomvula 3,noku etitha omaipulo gegameno mo South Korea,moka oyendji yena omaipulo kutya Russia otashi vulika a pandule North Korea niilwitho iinene nenge eipopilo ngele pwa holoka iikolokosha mo North   Korea.

Moshigongi mo Seoul,ominista ya South Korea yegameno Kim Yong Hyun nomukuluntu gwiikwapondje ya EU Joseph Borrel oya holola omaipulo gomuule kombinga ya North Korea ta tumu aakwiita ko Russia,noya kondema etokolo lye.

Yaali  oya zimine wo oku longela kumwe noshigwana shomuuyuni oku kambadhala okuya moshipala elongelokumwe lyegameno lya Russia-North Korea.

Epangelo lya America etine olyati aakwiita ya North Korea ya thika 8 000 oyeli koongamba dha Russia na Ukraine,taya ilongekidha yaka wayimine Russia oku kondjitha Ukraine momasiku geli komeho.

Omupresitend gwa Ukraine metitano okwiindiile ookuume ya kuthe oonkatu omanga aakwiita ya North Korea inaaya thika mo Russia yaka wayimine omalugodhi.