Elelo lyaOngwediva tali tungu ehala lyomainyanyudho

• Elelo lyondoolopa ya Ongwediva olya tseyitha tali ka longitha oshimaliwa sha konda oomiliona 2,5 oku tunga ehala lyomainyanyudho mondoolopa ndjoka.

Ta popi ndhoka pethimbo lyetulo miilonga yopoloyeka ndjoka ohela mayola Tarah Shalyefu, okwa tseyitha ndhoka.

Shalyefu tati opoloyeka ndjoka oya thanekwa yi manithwe mu Maalitsa omumvo ta guya.

Ta gwedhapo kutya ndyoka otali kala ehala lyoshigwana, moka aantu yomapipi ga yooloka taya kala noku inyanyudha mpoka.

Okwa tseyitha etungo tali ka gandja oompito dhiilonga kaagundjuka momudhingoliko ngoka.

Ehala ndyoka otali adhika ko Extension 11 konima yo Chicco Mall. Tati oya tamekitha oshiluku shotango, moka ehala tali tulwa molugumbo, noku tulwa omeya oshowo ominino dhoonyata.