Oshivelo sheengaba sha Lebombo sha patululilwa ovanhu vapitepo

Commissioner elilepo ehangano letonatelo leengaba  Border Management Authority (BMA), Dr Michael Masiapato  okwati oshivelo shoupitilo weengaba sha Lebombo  osha patululwa onghela komatango opo shipitike ovanhu vapitepo.

Nande ongaho omunambelwa okwati epitikilo loitutumbwa ipitifwe yoo opo natango yelipyakidilwa nalo komalelo.

Commissioner Masiapato, elelo lo commitee inasha netuliloshikepa opamwe noshikondo sheameno oshoyo epopilo loshiwana koshi yetonatelo lo   MEC Jackie Macie, aveshe ota kulopotwa vatwa kumwe opo onele yeengaba ipatululwe vali osho vati ota shiningwa koshi yetonatelo lina eameno lakwatelamo ovakufimbinga aaveshe.

Osheendo shovanambelewa osha popya tashi longo shelitulamo oku kwashilipaleka eameno  noipindi  pomataulukilo eengaba koo kulivangekwe yoo ekanifo loyuuyemo.

Omunambelewa tapopi kutya oilonga yetutumbo loipumbiwa pokati ka South Africa na Mozambique nayo ota ika hovelwa nayo meni lefimbo lixupi,  shima omilandu odo datulwapo damanifwa nado.

Oshivelo shoupitilo womukunghulofuta sheengaba da Lebombo osha idililwe pakafimbo shalandula konghalo yomakuyunguto aetififwa kokuhena ombili kwoshiwana moshilongo osho tashi popi kutya oidjemo yomahoololo oo aliko moshilongo oyo yayandja efindano kongudu taipangelo kayali payuuki.